 |
 |
Katalunya twajed i lqarn 21 d attas n lmashakil ‘awd ggin
rba’d n tnttam n r'aram mshaw lqadeya n
'awlama (globalización) d tama ğit
nssen, d-lhfud ftmurt d-tazdugi nnes. D-lmushkila n-iwdan n berra zdeġnin
di tmurtn –Europa.
Katalunya nttat tğen yat tmeddan n Europa iğen di rb
ĥar ashemrar. Aqqet ġa ssiyasa n Spanya. Katalunya tu
ġad di lqarn 17 Valencia (ġa amzul), tigzirin Baleares (ġa agmud), ashal
ataram di Aragon. Ġ a agafa idurar n-Perineus di Fransa.
Katalunya ġ as 6.300.000 n-inmzda ġn.
Aqqayen ġ a 4 n tmaddan:
Barcelona, Girona,Lleida, Tarragona. Days 41 n rğama’a
d 900 n tmddan. Katalunya lĥukuma nnes istuğara
nsiyasa n tmdint qqan-as Generalitat tuġat ġa lqarn13.
Lbarlaman akatalani itijdar s tadimuqratet bash ad issuğar tashri’ n tamdint.
Tawssen wden n katalunya s laxlaq nssen, s la xdamt, s usmun
n tmnyat. Akatalani ittawssen s da
ixddem l’aqel d lxater.
Di katalunya attas n tamsmunin, ġas tamgrawin ura attas n iqluzn. ‘awd ġas
attas n reyada mshaw tashama n ufus, tashama n udar, reyada l hokey ‘awd reyada
d itga’aden ġ idura. Mrra tinddam d dshar tgen tim ġriwin d uraren s
lmunikat timqranin ġasnt izğifn imqran, tgen ura urarn n timssi, d urarn
n ukchud d idurar s yuden, lmusiqa dinniġ lmusiqa tamzyant ar tinni tamqrant
mshaw esbarts danseirs. ‘awd sardanas d rġnuğ d rumba takatalanit.
Di katalunya days rbĥar,
idurar d iġzran d rġwabi ġasnt attas n shğari. Lĥar n katalunya ifssus isbaĥ.
Tandint n katalunya nttat barcelona , iğna tamdint ta’asrit days
iğen iwdan idyusin di tnddam marra dunit.
Barcelona Tawssen di marra dunit s lmuhandis akatalani amqran qanas Antoni Gaudi. Nttan aybnan
Pedrera, Sagrada familia, Parc Guel. Tawssan Barcelona s tacama n udar qqan
“Barsa”, ‘awd di n lġnuğ Barcelona Sound ittawssen di dunit.
Di lqarn 19, barcelona days iğen lfan d ladab d amqran aqqat itawssen
marra di dunit. Di usggas 1992, di barcelona iran olampiya. D usggas nni
itqim tawssen s wattas ibdan tassend ġas iwdan ‘la berra bash atzan. |
|
|
 |
 |
|
Katalunya tisi attas n yudan id yusin ‘la barra. Zman usind ġa
katalunya attas nyudan zdġan di
tmart. Mshaw iwdan ibiriyn (ibericos) ifiniqiyn, iqartağiyn,
lyunan, romanuth, lqut, a’raben , udayn, ifransisn. Iwden ğen
I’bban mshaw thaqafa d snay’ iqdimn d turdath d wawarn d rġnuğ.
Yesawr
amrmad Jaume Vicens Vives iğen ġa imqran
ikatalaniyn di lqarn 20, f udan n barra di katalunya. Igas iğen
nyism “tandint n ğer ibridn” ğer Fransa d Spanya. D ğer Afriqia
d Europa. Amġar amqran CarloMagno asggas n 801 iqqa I washal
n katalunya “thamurt taspanyult” suqen
days attas nyudan rba’d qimn days.
Di tarij n katalunya, ibda days ummudu n yudan n barra di lqarn 16 d 17. Usind
s katalunya attas n uksitaniyn (amzul n fransa) d ifransisn. Umi d usin th’der katalunya di ta'un d rhrash.
Asind yuden di Aragon ami tuġa asfsar amadal (exposicion internacional) di
Barcelona asggas n 1888 ğer 1920 d 1930 usid dġa katalunya iwdan nġni Aragon, Murcia, Castilla, Andalucia.
Ğer 1960 d 1980 ad yusin attas nyuden n barra di tarij n tmurth takatalanit lasl n yuden nni Extremadura d
Andalucia. Immatn asaĥafi
Paco Candel, ura ntta abrrani, “ikatalaniyn inġni” d ğan lktab
nnes amqran.
G isggasn n 1990 idusin yudan di tinddam n ddunit iğen wayssin wnġni.
Iwdan ad usind di Ssin (china) Ecuador, Colombia, Peru, Polonia, Maghrib, Ifriqia,
Felipin, Dzayr (Argelia), Pakistan, Romania. Marra tinddam di 4 n rqqarrat: Asia,
Ifriqia, America, Europa. Kur iğen ġas ddin nnes d wawar nnes. Wajja
amni mmarra zgaġn di Katalunya i di ġis ‘dun tadart nnsen d tarwa nnsen.
Katalunya thmġar s wattas s yudan iġas dyusin ‘la berra. Iwdan id yusin
di berra ura nethni udfn d tmurt, rmden ad siwirn aawar akatalani bla tun sha
awar nnsen. Katalunya ġas abrid ‘awd tastafd iwdan idi tasn ‘la berra. |
|
|
 |
 |
|
Catalunya d dimuqrate ġas iğen tarij d amqran s wattas thbna iğen
dawla di lqarn 12 d 13. Dawla thqim ami 1713. D assgas nni katalunya tga ğen
tadusi idithmnaġ j listiqlal nnes. Katalunya th’du j tnayn dictaturiyat walakin
thjssa days. Di asggas n 1977 ithbda Katalunya ttarrad listiqlal nnes. Katalunya
lhukuma nnes qanas Generalitat thga iğen lintijab adimuqrate iğumar
di 4 n isggasn.
Katalunya days iğen dimuqrate n ufra d lhna wajja days iwdan ‘la Iwdan kullu
n katalunya ġasn izrfan nnsen d rwağibat nnsen. Izrfan mshaw: rmden
kullu lgnus n ddunit marra, ssaĥt nnsen d rba’d ntmsrayin nġni. Days
di katalunya tnayn n ibridn n lmashina: Ferrocarrils de la Generalitat
(n katalunya) d Renfe (n Spanya). ‘awda days attas n yibridan d imqran
d imiriwn. Days tubisat d lmetro ġa Barcelona.
Rwağibat iġasn ġa katalunya afra d lhna ad tjasen iwdan nnsen ad ntta ifurad g
mushan nnsen. Ad jdemn darayb inf’an thandint. Di qbel katalunya tuġa tish
rjdaym y iwdan yash ad jdamn di siyaha t fağart d lbni d tiğara.
Katalunya tjas aġas yiri iğen umshan di tamunt n uropa. |
|
|
 |
 |
|
Awar katalunya tusd di
wawarn n latinit mshaw berdqqiz (portugues) talian, spanya,
rumanya, fransa. Takatalanit trra di lqarn 8 d 9 di thmurt
anni mmi iqarn Carlo Magno “ Thmurt n Spanyul” di thffust
d thzrmat n idurar Perineus. Yeg’ad awar akatalani di
lqarn 13 di tnddam iğan zzats iksen iğ.ğid
n katalunya. Awar n takatalanit sawarntn 11 mlyun nyudan
nttat iğen d awar d amqran di Katalunya (68000 kilometr2)
ğa tkatalanit di 4 n tnddam n uropa: Andora, Spanya,
Fransa, Talyan. Ġa adajr n Spanya thğa takatalanit
di valencia, Baleares, Aragon. Di fransa thğa thafusht
nnsen di Katalunya tazrmat. Di Italya thğa ġa
di tandint Alguer s 40000 n yudan.
Takatalanit aqqat ġ umshan wis tes’ut (9) ğar
iwarn n Uropa. Ntafit di thmzidiwin d lğami’a di
lidara d radyu d tilifiziunat mshaw TV3 d Canal33 d Tv
3/24 ‘awd din Catalunya radio, catalunya informacion,
Catalunya Musica, Catalunya cultura. D linternet days
attas n udhar.
Awar n Katalunya ġas alf n usggas di tudart nnes,
ğen attas n lktuba n ladab urin s-es. Kur asggas
tfġand 7000 uktab urin s tkatalanit.
Iwdan izdġan di Katalunya llan ġ lhna d ufra,
rmdan awar ntkatalanit. Nttni ssen ami tzdmt ad tfhemt
tandint am ur tssent awar nnes. Tĥwatğt takatalanit
bash ad taft lajdamt, ĥwatğnt iĥanğarn
di timzidawin bash ad sawarn ig imddukar nnsen. Jssi ad
ssen ğen attas n ddurus n tkatalanit. Nttat is nit
ishn “agraw n asmun n tutlayt”( Normalitzacio linguistica).
|
|
|
 |
|
|
